DOH, ipigdoon na dae magpapa-otob nin lockdown huli sa mga kaso kan mpox sa PH

Ipighayag kan Department of Health (DOH) na warang ipina-otob na lockdown sa Pilipinas katakod kan mga kaso nin monkeypox (Mpox) sa nacion.

Nilinaw kan ahensya na ‘fake news’ an mga naglalakop sa social media mapadapit sa nasabing helang asin nagpatanid sa publiko na magin maingat sa pagtanggap nin salang impormasyon.

Sa ibong kan naghalangkaw an kaso nin mpox ngonian na taon, mas hibaba pa man suboot ini kumpara kan 2024.

Segun sa DOH, aktibo an mga lokal na gobierno sa pagsubaybay kun kaya mas malimit an report mapadapit sa helang.

Pinatotohanan man kan DOH na bako airborne an mpox kaya dae kaipuhan na magsagibo nin lockdown.

Basado sa DOH na gabos kan kaso sa nacion an may variant na Clade II, ibig sabihon mild na variant sana ini kan mpox, asin wara pang nairehistrong Clade 1b na mas marikas maglakop.

Dugang pa digdi na may mga lugar sana na nagpa-otob nin mandatory face masks arug kan Davao del Sur, Cotabato health facilities, Compostela sa Davao de Oro, asin Maasin City sa Leyte.

Sa Davao City, required an face mask sa Hall of Justice alagad boluntaryo sana.

Nagpagirumdom man an DOH asin DTI-Davao na dae mag-hoard o mag-overprice nin medical supplies huli ta bako ini kaipuhan para sa mpox.