Padagos an monitoring kan Department of Health sa mga presyo kan mga bulong huli sa oil crisis na dara kan tensyon sa Middle East, alagad pigsierto na igwa pa nin supisyenteng supply sa nasyon.
Segun ki Health Secretary Ted Herbosa, posibleng maglangkaw an presyo kan mga bulong asin iba pang produkto sa mga maabot na panahon huli sa naglalangkaw na gastos sa produksyon asin logistics, urog nang dakul na medical supplies an pig-aangkat hale sa ibang nasyon.
Alagad, igwa nin stockpile nin bulong na nakahanda para sa mga ospital asin sa publiko, kun kaya wara pang nairehistro na kakulangan.
Inasegurar man kan DOH na magpapadagos an health services, sa ibong kan piglalaoman na malangkaw pa an gastos kan mga namamanwaan sa pagbakal nin bulong sa mga botika.
