Nakipagkoordinar na an Department of Energy (DOE) sa Philippine Competition Commission (PCC) nganing imbestigaran an alegasyon kan posibleng sabwatan o cartelization sa semanahan na oil price adjustments.
Segun ki Department of Energy (DOE) Secretary Sharon Garin, dapat siyasatin kun may nangyayaring “anti-competitive behavior” sa pagultangan kan mga kumpaniya nin langis, urog na napapansin na sabay-sabay ang paghalangkaw asin haros magkakapareho an kantidad kan dagdag-presyo.
Sinabi ni Garin na bukas ang ahensya sa pagrepaso kan presenteng sistema kan semanahan na price adjustments nganing mapamarhay ini, kasabay kan giya hale sa Kongreso.
Nilinaw man kan kalihim na ang halangkaw na presyo kan langis sa pankinabang merkado an pangenot na rason kan paghalangkaw, alagad preparado an DOE na magtao nin kinakaipuhang datos sa PCC para sa masusing imbestigasyon.
Siring man, tinawan-doon ni Garin na an pag-aydentipikar kan anumang pagbalgar an nasa PCC asin dapat iagi sa tamang proseso.
Mientrastanto, sienerto man ni Garin na nakahanda ang ahensiya na ibuyagyag an pangaran kan mga kumpanya nin langis sa oras na mapapatunayang nagsasabwatan an mga ini sa presyo.
Segun saiya dae sinda mag-aatubiling i-anunsiyar ini basta may pinal na desisyon gikan sa magkakanigong ahensya o korte.
Nilinaw kan kalihim na sa presente an wara pang ipigluluwas na findings katakod sa nasabing imbestigasyon.
Sienerto man ni Garin an saindang suporta sa ikakasar na imbestigasyon kan PCC.
