LEGAZPI CITY- Disiplina an pigsasandigan kan Bicol vulcans o mga atleta kan rehiyong Bicol ngani na magtrayumpo sa nagpapadagos na Palarong Bicol 2025.
Segun ki Albay Schools Division Spokesperson Froilan Tena sa intrevista kan Bombo Radyo Legazpi na nagin mahigot an ginibong preparasyon kan mga atleta kaya kumpiyansa sinda sa magayon na performance kan mga ini.
Napag-araman na sa nakalihis na mga aldaw, nagkaigwa pa nin training an mga atleta ngani na mapamilyar sa saindang playing venues urog na sa tahaw kan mainit na panahon.
Paliwanag kan opisyal na an nagkapirang outdoor events an pinaglalaoman na magkakaigwa nin adjustment sa schedule ngani na masierto an salud asin seguridad kan mga ini.
Mientras tanto, aminado man si Tena na bilang sarong atleta nakaka eksperyensya an mga ini nin pagkadaog kaya mahigot an payo na akseptaron ini sa matanos na paagi.
Paliwanag kan opisyal na afuera sa medalya, saro sa pinaka importante an pagkakaigwa nin dakol na mga bagong amigo asin eksperyensya.
