LEGAZPI CITY-Preparado na an Disaster Response Group Team asin mga personahes kan Coast Guard District Bicol katakod kan posibleng mga aktibidad kan Bulkang Mayon.
Segun kay Coast Guard District Bicol Acting Public Information Officer Ensign Paul Laurence Literal, sa intrevista kan Bombo Radyo Legazpi, na nakapreparar na an saindang mga personahes asin nakahanda na an mga gagamiton na ekipahe.
Naka-standby man 24 oras an mga saindang mga personnel sa posibleng aktibidad kan Bulkang Mayon.
Dugang pa kan opisyal nakahanda an saindang ahensya para sa kaligtasan kan mga namamanwaan.
Pigaabisuhan an mga indibidwal na ibitaran an paglaog sa 6km danger zone asin makipagkoordinar sa mga otoridad para sa kinakapuhang tabang.
Mientrastanto, nagpaluwas man nin sea travel advisory an ahensya kasunod kan makusog na paros sa kadagatan, kaya inaabisuhan an mga saradit na parasisira na likayan muna an pagpapalaot.
