LEGAZPI CITY-Ipighayag kan Department of the Interior and Local Government (DILG) na pagbawalan an pagparada kan mga behikulo sa mga pangenot na kalsada sa Metro Manila.
An nasabing lakdang para sa pagpapahiwas sa mga tinampo huli sa mga nadadanasan na magabat na trapiko.
Pigsagibo ni Interior Secretary Jonvic Remulla an suhestiyon sa sarong meeting sa Metro Manila Council kung sain inatendiran kan 17 na mga alkalde.
Segun sa kalihim na mawot ninda na magin ligtas asin nagdadakol pa an mga nagtetenir sa Metro Manila kaya ipigpapaotob niya an nasabing pagbabawal sa pagparada kan mga behikulo.
Sa kampo man ni Metropolitan Manila Development Authority (MMDA) chairman Romando Artes na plano nindang ipaotob an pagbabawal kan side-street parking policy enkaso na rush hour poon alas 7:00 hasta alas 10:00 nin pagkaga asin alas 10:00 asin hasta alas 5:00 sundong alas 8:00 nin pagkabanggi.
Sa presente, nagpagoolayan kan Metro Manila Council an nasabing panukala kung sain pwedisir sa Setyembre 1, magkakaigwa sinda nin mga regulasyon mapadapit sa pagbabawal sa pagpaparada para sa mapahiwas an mga tinampo asin maibitaran an magagabat na trapiko.
