Kinumpirmar ni Interior and Local Government Secretary Jonvic Remulla na an Department of Foreign Affairs an nakatoka asin responsable sa pagpapauli sa nasyon kay dating AKO Bicol Partylist Rep. Zaldy Co.
Sa sarong entrevista, pigdoon ni Remulla na nakadepende sa diplomatic channels asin legal na proseso an pagbalik ni Co sa nasyon.
Sa arog suboot kaining klase nin bagay, pwedesir mangi-aram asin mangenot an Department of Foreign Affairs.
Segun sa kalihim, dae pa ninda nairereport si Co sa INTERPOL.
Depende suboot ini sa gabat kan mga kaso na isinangat laban ki Co asin sa status kan case build up.
Nagpaluwas man nin mandamiento de aresto an korte laban ki Co asin iba pa huli sa saindang pagkaimbwelto sa korapsyon sa flood control.
Padagos man na pignenegaran ni Co an mga akusasyon na ipiggagapo laban saiya.
