LEGAZPI CITY-Nagprotesta asin kinontra kan Department of Foreign Affairs (DFA) an ipinaluwa na travel warning kan china sa mga chinese students na kinokonsidera an pagaadal sa mga unibersidad sa nacion.
Sa sarong pahayag, pigapod na sarong ‘mischaracterization’ kan ahensiya an nagin warning kan Chinese Ministry of Education sa presenteng sitwasyon kan edukasyon sa Pilipinas.
Segun sa opisina, na nakakaalarma an mga ‘inaccuracies’ na ini bako sana sa nacion alagad magin sa magiging konsepsyon kan iba pang nacion mapadapit sa sitwasyon kan Pilipinas.
Basado man sa babala kan china, na ‘unstable’ suboot an sitwasyon kan seguridad sa Pilipinas orog na sa paglakop kan mga krimen an tinatarget an mga Chinese nationals.
Dagdag pa sa abiso, na pirmi suboot kairiba sa mga insidente kan mga paghaharass amn saindang mga kababayan.
Nanindugan man an DFA na gabos na krimen na siyang imbuelto an mga chinese nationals asin iba pang nasyonalidad, nagaagi suboot sa tamang proseso asin nireresolba kan mga tamang otoridad asin ahensiya.
Mientrastanto, nagtetenir man na bukas sa mga dayalogo an kampo kan Pilipinas sa China ngani mapagolayan an mga concerns mapadapit digdi.
