Kinumpirmar kan Department of Foreign Affairs (DFA) na masunad ini nin diplomatic protest laban sa China makalihis an panibagong pangha-harass kan China Coast Guard (CCG) sa mga barkong Pilipino sa kadagatang sakop kan Pag-asa Island.
Susog sa DFA, isusunad an protesta kasunod kan report na nagkapirang China Coast Guard asin Chinese Maritime Militia vessels na nagsagibo nin mapeligrosong maniobra kontra sa tulong barko kan Pilipinas kan Domingo nin aga.
Basado sa report ni Philippine Coast Guard (PCG) Spokesperson Commodore Jay Tarriela, ginamitan kan CCG vessel 21559 nin water cannon ang BRP Datu Pagbuaya kan Bureau of Fisheries and Aquatic Resources (BFAR) asin pigtuyong banggaon ini.
Bahagyang naraot an barko alagad warang nakulogan sa mga lunad kaini.
Susog sa PCG, an mga barko kan Pilipinas an nakadaong sa teritoryal na kadagatan kan Pag-asa Island nganing magtaong proteksyon sa mga parasisirang Pilipino sa irarom kan programang “Kadiwa para sa Bagong Bayaning Mangingisda (KBBM)”.
 confirmed that it will file a diplomatic protest against China following the renewed harassment of Filipino ships by the China Coast Guard (CCG) in waters off Pag-asa Island.){kind=link}