Ilalansar kan Department of Education an “Paaralang Bukas Dashboard,” sarong portal kun saen pwedesir masubaybayan kan publiko an kamugtakan asin pangangaipuhan kan mga eskwelahan.
Segun ki DepEd Secretary Sonny Angara, mahihiling sa dashboard an performance kan mga eskwelahan, kaiba an resulta kan Early Language, Literacy, and Numeracy Assessment asin National Achievement Tests para sa School Year 2023–2024.
Kaiba man digdi an impormasyon an mapadapit sa numero kan enrollees, pasilidad, utilities, asin gastuson sa maintenance kan kada pampublikong eskwelahan.
Obheto kan proyekto na pahalangkawon an transparency asin engganyaron an aktibong partisipasyon kan publiko sa pagpapamaray kan edukasyon.
Segun man ki DepEd Undersecretary Ronald Mendoza, makakatabang an dashboard nganing mas marikas mabisto asin masimbagan an pangangaipuhan kan mga eskwelahan, estudyante, asin paratukdo gikan sa pasilidad asin kagamitan sagkod sa pagpapamaray kan performance sa eksaminasyon.
