LEGAZPI CITY-Preparado na an Department of Education (DepEd) Bicol para sa Palarong Pambansa 2026.
Segun kay DEPED Bicol Regional Sports Coordinator Francisco Dexter Sison, sa intrevista kan Bombo Radyo Legazpi na igwa nang pigsasagibong training na naka-focus sa sports arog kan athletics, gymnastics, aerobic gymnastics, boxing, asin wushu kun sain host an Ligao City.
Magkakaigwa man nin regional concentrated training para sa iba pang sports kun sain host naman an ciudad kan Legazpi.
Sinabi ni Sison na suportado kan local government units an mga atleta na marepresentar para sa palarong pambansa.
Piglalaoman man ngonian an gintong medalyas alagad pinaka-prayoridad an warang mangyaring insidente o injury.
Dugang pa kan opisyal na kanya-kanya suboot na mode of transportation an mga delegates pasiring sa Agusan Del Sur kun sain gaganapon an palaro, depende sa distansya o plano kan kada division.
Pinaka-goal man ngonian an makaabot sa Top 10, makalihis na makuwa an Top 13 kan nakalihis na taon.
Alagad, tinawan doon kan opisyal na mas importante man liwat an seguridad kan mga atleta para sa bilog na delegasyon.
