LEGAZPI CITY – Preparado na an Department of Education Bicol asin mga concerned agency sa gigibuhon na Palarong Bicol 2024.
Sa intrevista kan Bombo Radyo Legazpi ki Department of Education Bicol spokesperson Mayflor Jumamil, halos 90% ng tapos an preparasyon asin nailatag na an mga dapat na kaipuhan.
Magin an gabos na classroom asin pangangaipo kan mga delegado an nakapreparar na.
Katakod kaini, ngani man na masierto an seguridad kan mga atleta sa tahaw kan matinding init kan panahon, magkakaigwa nin limitasyon sa mga outdoor activities.
Enot ng inihayag kan ahensya na wara nin mangyayaring sporting event sa luwas sa oras na alas-10:00 nin aga hasta alas-3:00 nin hapon.
Mientras tanto, opisyal na pagbubukas kan nasabing torneo sa aldaw nin Domingo, Abril 28.
Alagad antes ini, magkakaigwa muna nin ‘Takbo para sa Atletang Bicolano’ sa aga, aldaw nin Sabado na sarong fund support para sa mga athletes na makakaabot sa Palarong Pambansan.VC_Department of Education Bicol spokesperson Mayflor Jumamil
