Target kan Department of Education asin Department of Social Welfare and Development na makapagtukdo nin nasa 207,000 na mga estudyante sa pagbabasa sa paagi kan programa kaining “Tara, Basa!” program sa taong 2025.
Marurumduman na enot na ipiglansar an programa kan nakalihis na Marso.
Sa paagi kaini, magdi-deploy nin mga college students ngani na makapagtaong asistensya sa mga estudyante sa mga pampublikong eskwelahan na nadidifisilan sa pagbabasa.
Karibay kan 20 oras na tutoring sessions an pagresibe kan mga college students nin work experience asin cash basado sa regional minimum wage.
Kaibanan pa sa programa an pagtataong pusog sa mga magurang na masuportaran an edukasyon kan saindang mga kaakian.
Kumpiyansa man si Education Secretary Sonny Angara na mapapakusog kan programa an pagkanuod asin pagigin produktibo kan mga joven na estudyante.
