LEGAZPI CITY-Mahigot an pagbabantay kan Department of Agriculture (DA) sa posibleng epekto sa sektor kan agrikultura asin kalakaran sa nacion huli sa nagpapadagos na tensyon sa Middle East.
Segun sa ahensya na an haloy na labanan sa rehiyon, pwedisir makaapektar sa agrikultura kan Pilipinas, orog na sa naglalaom an nacion sa pag-angkat kan nagkapirang mga importanteng produkto.
Segun kay Agriculture Secretary Francisco Tiu Laurel Jr., posibleng maglangkaw an presyo kan langis sa pankinabang merkado, na magreresulta sa mas mahal na gastos sa krudo, pataba, asin freight.
Enkaso maglangkaw suboot an presyo kan krudo, malangkaw man an gastos sa farm inputs kan mga lokal na paraooma.
Siring man an paglangkaw kan shipping rates huli sa mas mahal na fuel, na magpapalangkaw man sa landed cost kan imported na arina asin animal feed.
Huli digdi, posibleng magsipa pa an presyo kan tinapay, manok, asin orig sa merkado, bagay na posibleng makaapektar sa pag-kontol kan food inflation.
Mientrastanto, pinag-aadalan kan gobierno an pagtatao nin fuel subsidies sa mga sektor na pinakaapektado kan oil price volatility, siring kan transportasyon asin agrikultura.
Siring man an temporamenteng pagbawas sa fuel excise tax ngani mapababa an presyo kan langis.
