LEGAZPI CITY – Nag-abot na sa 4, 241 an kabilugang kaso kan nairehistrong nagka-dengue sa Bicol susog sa latest data kan Department of Health (DOH) Bicol.
Sa isinagibong press conference kan DOH Bicol sa ciudad kan Legazpi puon Enero 1 hasta Agosto 3, an provincia kan Camarines Sur an may pinakahalangklaw na dengue cases sa 1, 706; pigsusundan kan Sorsogon sa 784 mantang ikatulo man sa Albay sa 769.
Nagtetenir man na dakol an kaso kan mga nagkakahelang kan dengue sa mga provincia kan Catanduanes (563), Masbate (271) asin Camarines Norte (144).
Napag-araman na 40 naman an nairehistrong gadan huli sa nasabing helang.
Mientras tanto sa paghahapot kan Bombo Radyo Legazpi, sinabi ni DOH Bicol Director Dr. Ernie Vera an pangapodan sa mga lokal na gobierno na i-institutionalize na an lakdang kontra sa dengue siring kan ginibo kan provincia kan Sorsogon.
Abiso pa kan health official na magbakal na kan mga logistics kontra sa dengue kasabay kan deklarasyon kan national dengue epidemic.
Nangangahulugan suboot an deklarasyon na pwede naman na magamit an quick response fund kan LGU.
Nagdeklara naman nin state of calamity an banwaan kan San Andres, Catanduanes huli sa dakol na kaso.
