LEGAZPI CITY- Liwat na naibulsa kan Camarines Sur an kampeonato sa Palarong Bicol 2017.
Labi an kaogmahan kan mga atleta urog na an mga coach kaini huli sa dae piglalaoman na pagkagana.
Close fight kaya an nangyaring patiribayan kun sain nangenot an Legazpi City sa mga enot na medal tally board mantang panduwa an Albay.
Bawing-bawi an Camarines Sur kan 94 medalya na sana an pag-aaragawan para sa team events.
Enot kaini, naintribista kan Bombo Radyo Legazpi an sarong opisyal kan Camarines Sur Division Office, kun sain ipighayag kaini na kun in kaso dae ninda maidepensa an titulo, an importante naipahiling kan mga atleta an saindang potensyal sa manlaen-laen na kawat asin na-develop an sportsmanship.
Kumpyansa man suboot sya na nagin marhay an performance kan saindang mga pambato urog na sa athletics kun sain sinda nakaguno nin dakol na medalya.
Aminado man an opisyal na talagang matitibay an mga atleta kan Legazpi sa swimming.
Sa huring medal tally kan Palaro, nakasungkit nin 69 na gold medals an Camsur na sinunudan kan Naga City na igwa nin 68.
Maogmang nagbaralik sa probinsya an mga delegado na maselebrar kan saindang liwat na pagigin kampeon.//
