Nagpatanid si House Committee on Suffrage and Electoral Reforms Chairman asin Lanao del Sur Representative Zia Alonto Adiong na posibleng magdakol liwat sa online an mga deepfakes, trolls, asin fake news mantang nag-uusad an impeachment proceedings laban ki Bise Presidente Sara Duterte sa Kamara.
Segun ki Adiong, piglalaoman niya an paglakop kan disinformation mantang nagkukusog an interes kan publiko sa proseso.
Pig-engganyar man kaini an publiko na magin mapanuri asin maingat sa mga impormasyon na nahihiling sa social media huli ta kadaklan kaini an bako totoo.
Mientrastanto, nagpoon nang pag-olayan kan House Committee on Justice an mga impeachment complaints makalihis na mapatunayang sufficient in form and sufficient in substance.
Nagpahayag man nin pagkabigla si Adiong na 54 na mga mambabatas an nagboto sa pagsuporta sa impeachment kan bise presidente sa committee level, na positibo suboot na senyales na pwede nang maabot an kinakaipuhan na numero nin boto.
Sa irarom kan proseso, kaipuhan an suporta nin dai mababa sa one third votes kan mga miembros kan Kamara nganing maipadara an impeachment complaint sa Senado para sa paglilitis.
