Isinairarom na sa state of calamity an enterong provincia kan Davao Oriental makalihis an serye kan makukusog na linog asin padagos na aftershocks na nagkawsa nin matinding danyos sa imprastruktura asin kabuhayan kan mga residente.
Kinumpirma ini ni Director Ednar Dayanghirang, regional director kan Office of Civil Defense (OCD) Region 11, kasabay kan pahayag na padagos pa man an monitoring sa mga apektadong lugar.
Afuera sa profvincia, nagdeklara man nin state of calamity an mga banwaan kan Caraga, Manay, Tarragona, asin Baganga dahil sa dakula kan danyos.
Segun sa report, pirang edipisyo asin pasilidad an bako na salbadong gamiton makalihis an pagyugo, mantang nagtetenir na alerto an mga lokal na awtoridad sa posibilidad nin kadugangang aftershocks.
Sa tahaw kan “Trembler months,” nangapodan an OCD sa publiko na magin mapagmatyag, sumunod sa mga abiso kan awtoridad, asin makisumaro sa mga lakdang kan gobierno nganing maparikas an rehabilitasyon sa mga apektadong lugar.
