Nangapudan si dating Senator Panfilo Lacson ki Presidente Ferdinand Marcos Jr. na isalbar an konstitusyon sa paagi kan paggamit kan saiyang line-item veto power sa propuestong budget bill.
Partikular na tinukoy kaini an suboot unconstitutionality kan pagtatapyas sa pondo kan Department of Education.
Paliwanag kan dating lehislador na an pagtatapyas sa pondo kan ahensya an sarong pagbayolar sa Article XIV Section 5 kan 1989 Constitution na nagtataram na dapat na magin prayoridad kan estado an edukasyon.
Ipinunto man ni Lacson an pagbabawas sa Bicameral conference committee sa pondo kan Department of Education sa P737 billion alagad dinugangan an pondo kan Department of Public Works and Highways sa P1.113 trillion.
Nangangahulugan ini na nabawasan nin P12 billion an pondo kan DepEd hali sa P748.6 billion na pondo na inaprubaran kan Kamara de Representantes.
An nasabing pagbabawas nin pondo an enot na man na tinuyaw ni Education Secretary Sonny Angara, asin sinabing pagbaliktad ini sa nakalihis na trend na pagdugang kan kongreso nin pondo para sa edukasyon.
