Plano ni Dating Presidente Rodrigo Duterte na sangatan nin kaso an mga pulis na nagraid sa compound ni Pastor Apollo Quiboloy.
Segun kay Duterte, overkill an pagpapadara nin 100 na mga pulis ngani sanang arestaron an sarong persona.
Dae man suboot nakapagpahiling nin search warrant an mga pulis kung kaya iligal an operasyon asin dae dapat na palampason.
Pighahagadan naman ngunyan nin affidavits an mga miyembro kan Kingdom of Jesus Christ na nakulogan asin na-trauma huli sa operasyon kan mga pulis.
Tinuyaw pa ni Duterte an suboot pangraraot kan administrasyon ni Presidente Ferdinand Marcos Jr. sa imahe ni Pastor Quiboloy.
Kaiba sa mga ni-raid kan mga otoridad an Kingdom of Jesus Christ compound sa Buhangin district, Glory Mountain asin Prayer Mountain sa Barangay Tamayong alagad dae man nahanap an Pastor.
Nahahampang si Quiboloy sa reklamo nin pang-aabuso sa mga menor de edad na kababaihang miyembro kan Kingdom of Jesus Christ.
Kasabay man an Pastor sa most wanted list kan Federal Bureau of Investigation huli sa patung-patong na reklamo nin sex trafficking by force, fraud and coercion asin sex trafficking of children; conspiracy; asin bulk cash smuggling.
