LEGAZPI CITY-Nagpositibo sa anti-depressant drug an hawak kan nagadan na opisyal na si dating Department of Public Works and Highways (DPWH) Undersecretary Catalina Cabral.
Ini an nagluwas sa inisyal na toxicology report kan Philippine National Police (PNP).
Segun sa preliminary laboratory report hale sa PNP Regional Forensic Unit–Cordillera Administrative Region na nagpositibo ini sa citalopram na sarong klase nin antidepressant drugs.
An nasabing bulog an saro sa mga narekober kan mga kapulisan sa isinagibo nindang paghaluglog sa kuwarto kan hotel sa ciudad kan Baguio kun sain nagtenir an dating opisyal.
Wara man sindang nahiling na anumang histopathological examination o terminal diseases sa hawak kan dating opisyal.
Enot na man na sinabi ni Interior Secretary Jonvic Remulla na basado sa inisyal na pagbusisi ninda, suicide suboot an rason kan pagkagdan kan dating DPWH official.
