LEGAZPI CITY- Positibo an resulta kan isinagibong operasyon kan mga otoridad katakod kan kampanya kontra sa mga bako otorisadong sugal sa Zone 5 kan Brgy. West Carisac, Libon, Albay.
Isinagibo kan mga operatiba hale sa intelliegence unit kaibanan an mga personahes kan Libon Municipal Police an pagkumpirmar sa nakaabot na impormasyon na igwang iligal na pasugalan sa katakod na kwarto kan sari-sari store na pagsadiri kan dating kagawad kan barangay na si Silveno Ricacho, 53-anyos.
Digdi na nahiling an mga nagkakawat sa slot machine o mas bisto na fruit game alagad nagpalyar an mga otoridad na madakop an mga ini makalihis na marekas na magdurulag an mga naaktuhan sa iligal na gibo.
Sa ibong kaini, dae man nagibong makadulag ni Ricacho kun saen nakumpiskar man hale digdi an pataya na P1,667 na anas mamiso.
Naiturn over naman sa Libon MPS an suspek para sa magkakanigong disposisyon mientras na ikinaag na sa custodial facility kaini an dating opisyal kan barangay tangarig kahampangon an kasong pagbayolar sa Presidential Decree 1602 na nagtataong-penalidad sa illegal gambling.

RELATED ARTICLESMORE FROM AUTHOR