Sinentensiyahan nin kagadanan an dating Agricultural Minister kan China huli sa korapsiyon.
Sa desisyon kan People’s Court of Changchun sa northeast Jilin province, sinabi kan korte na nakaresibi si dating Agricultural Minister Tang Renjian nin suhol na kwarta asin property na nagkakantidad nin labi 268 million yuan o katampad nin $38 million sa pagultangan kan taong 2007 asin 2024.
Segun sa korte, nagresulta an naunambitang panunuhol nin “severe losses” sa interest kan estado asin saindang namamanwaan, kun kaya, ginagarantiyahan kaini an padusang kagadanan.
Inako man suboot kan dating top official an saiyang ginibong krimen asin nagpahayag nin pagbasol.
An pagsentensya ki Tang iyo an pinakahuri sa agresibong kampanya ni Chinese President Xi Jinping laban sa korapsyon na iyo an nagpabagsak kan iba pang mga halangkaw na opisyal.
