LEGAZPI CITY – (Update) Kinondenar kan Sangguniang Kabataan (SK) Federation sa banwaan kan Daraga, Albay an nangyaring pambabadil-gadan sa sarong SK chairman sa Brgy. Ibaugan.
Pinagbabadil kan apat na suspek hasta sa magadan si SK Chairman Jane Nunez-Moneda, 25-anyos.
Segun ki Khay Gomez, SK Federation-Daraga President, dae matatawaran an servicio bilang leader ni Moneda mantang saro man na marhay na ina sa mga aki asin marhay na amigo para sa mga kapwa SK chairman.
Nag-apelar si Gomez sa pulisya na dakupon asin ikulong an mga responsable sa nasabing krimen tangarig na makua kan nawalat na pamilya an hustisya sa sinapar ni Moneda.
Nagpaabot man ini nin kamunduan sa nangyari.
