Pigkarkulong makawsa nin pagkalugi nin $20 billion sa taunang revenue an destroso sa pinakadakulang liquefied natural gas (LNG) kan Qatar.
Ini an kasunod kan mga pag-atake kan Iran sa Ras Laffan Industrial City sa Qatar na nagkawsa nin dakulang danyos sa mga pasilidad kan LNG na nagkakantidad nin haros $20 bilyong na mawawarang ganansya taun-taon.
An danyos an nagpababa nin 17% sa kapasidad kan pagluwas kan liquefied natural gas kan nacion, na piglalaomang aabuton nin 3 hanggang 5 taon nganing masiayos.
Nadestroso kan mga pag-atake an duwa sa 14 na liquefied natural gas train kan Qatar asin sarong gas-to-liquids (GTL) facility. Huli kaini, nabawasan nin 12.8 milyong tonelada kada taon an produksyon kan LNG.
An pangyayaring ini an nagkawsa nin dakulang paghalangkaw sa mga presyo kan enerhiya sa kinaban huli sa pagkaantala kan suplay hale sa Qatar
