Nakaresibe nin mankakagalong reaksyon an naging pahayag ni US president-elect Donald Trump na magpapataw ini nin 25% na taripa sa gabos na mga produkto na malaog sa Estados Unidos urog na sa Canada asin Mexico.
Obheto kaini na maresolbar an mga iligal migrants na naglalaog sa Amerika.
Dugang pa ni Trump na igwang 10% na ipapataw na taripa sa mga produktong hali sa China ngani na mabantayan an paglaog kan droga urog na an fentanyl.
Sinabi naman ni Mexican President Claudia Sheinbaum na an pagpapataw nin mas halangkaw na taripa an dae makaka resolbar sa problema sa iligil migrants.
Inapod man ni Canadian Prime Minister Justin Trudeau si Trump na preparado ini na magkaigwa nin “constructive way” na makatrabaho si Trump.
Mientras tanto, nagtutubod man an Chinese embassy sa Washington na mutually beneficial an economic asin trade cooperation ninda kan Estados Unidos.
