Pigsierto kan Department of Agriculture (DA) na igwa nin supisyenteng suplay nin karneng orig sa ibong kan implementasyon kan gobierno nin temporaryong pagbabawal sa pag-import nin orig hale sa Spain.
Kasunod man ini kan pagputok kan African Swine Fever (ASF) sa naunambitang nasyon.
Sinabi ni Agriculture Secretary Francisco P. Tiu Laurel Jr na warang piglalaoman na paglangkaw kan presyo sa ibong kan import freeze sa mga buhay na orig, pork meat, asin pork skin.
Ini huli ta pano an cold storage facility asin, base sa inventory levels, an suplay nin karneng orig nagtetenir na supisyente sa ibong kan halangkaw na demand kaini ngonian na holiday season.
An pagbabawal sa pag-import kan Spanish pork naghale sa sarong report kan Nobyembre 28 kan mga Spanish veterinary authorities sa World Organization for Animal Health, na nagkukumpirma na igwa nang mga kaso nin ASF sa mga wild pig sa Sabadell, Vallès Occidental sa Barcelona.
An import ban pig-implementar ngani na maibitaran an paglaog kan swine disease asin pag-infect kan mga domestic na orig sa Pilipinas.
 has ensured that there is sufficient supply of pork despite the government's implementation of a temporary ban on pork imports from Spain.){kind=link}