Pinaghihidali na kan Department of Agriculture an pagpapaluwas kan Indemnification Payment para sa mga paraoma na naapektaran kan Bagyong Kristine.
Nagpaluwas na nin kasuguan si Agriculture Secretary Francisco Ti Laurel Jr. sa Philippine Crop Insurance Corp. na rikasan an pagpapaluwas nin naunambitang bayad sa mga paraoma na sakop kan insurance.
Segun kay D.A Spokesperson Asec. Arnel De Mesa na maabot sa P600- M an ipapanao kan Philippine Crop Insurance Corp. sa labi 86,000 na paraoma na naapektaran kan raot nin panahon.
Magsasagibo pa man nin validation sa mga omahan na naapektaran kan bagyo antes ipaluwas an pondo para sa mga paraoma.
Nanao na man an D.A nin mga Binhi asin Agri inputs, Survival and Recovery (SURE) Loan Program asin P1-B Quick Response Fund.
