LEGAZPI CITY – Nakapagdugang nin 17 panibagong kaso an Bicol sa COVID-19, susog sa latest data kan DOH Bicol.
Huli digdi, nagsakat na sa 4,810 an total confirmed cases mantang 456 an aktibong kaso.
Sa Albay, pito an nagpositibo kun sain tulo an hali sa ciudad kan Legazpi, duwa sa Tiwi, saro sa Rapu-Rapu asin saro man sa Sto-Domingo.
Saro man sa Camarines Sur; saro sa Pandan, Catanduanes; asin walo sa Sorsogon partikular na an tulos sa Magallanes asin tigsararo sa Bulusan, Barcelona, Irosin, Gubat asin Sta. Magdalena.
Nadagdagan man nin 15 an recoveries na ngunyan an nasa 4, 148 na mantang 206 an binawian nin buhay.
