LEGAZPI CITY – Nadugangan nin 13 an mga panibagong nakumpirmar na nagpositibo sa coronavirus disease sa Bicol.
Katakod kaini, nagsakat na sa 2,122 an kabilugang COVID-19 cases sa rehiyon na may 300 na aktibong kaso.
Kaibanan sa mga nakapagrehistro nin bagong kaso an Camarines Sur na may lima, asin walo man sa Sorsogon, partikular na an anom sa ciudad kan Sorsogon asin tigsaro sa Magallanes asin Gubat.
Wara man nadugang na panibagong kaso sa mga provincia kan Albay, Camarines Norte, Catanduanes asin Masbate.
Mientras tanto, nasa 101 an mga nadugang sa mga naka-recover kaya nagsakat na sa 1,731 an total recoveries.
Nasa 46 sa mga ini an hali sa Albay, tulo sa Camarines Sur, 40 sa ciudad kan Legazpi asin 12 sa Naga City.
Nadugangan man nin tulo an mga nagadan na nagpositibo sa COVID-19 kun kaya nagsakat na sa 91.
Napag-araman na hali an duwa sa mga ini sa Camarines Sur asin saro sa Sorsogon.
