Ipinahiling kan mga suldadong Pilipino asin Amerikano an saindang synchronized firepower asin marikas na pag responde mantang ipigsasagibo an high-intensity counterlanding asin Live-Fire Exercise kasuhapon May 3,2025 sa Barangay Dodan, Aparri, Cagayan bilang parte kan Balikatan Exercises 2025.
An tema kan joint military exercise iyo an pag depensa sa teritoryo kan nacion sa norte.
Tinampok kan drill simulation an pag-aram kan sarong Amphibious Task Group na nagrerepresentar nin sarong pwersa kan pagbabanta na magbalo na magdaong sa hilagang baybayon.
Para sa marikas na pag-aksyon, an combined forces kan Pilippine-U.S. an nagsagibo nin sarong coordinated counter-landing operation nganing pugulan an pagtatatag kan foothold sa lugar, na nagpapahiling kan pinaghalong kusog asin tuluy-tuloy na interoperability.
Ipinahiling man kan mga suldados hale sa Philippine Army asin Philippine Marine Corps an saindang tibay sa paggamit kan modernong asset, kabale an mga Sabrah battle tank, Light Armored Vehicles (LAVs), ATMOS 155mm self-propelled howitzer, asin kadugangang firepower hale sa 105mm howitzers.
An paggamit kan mga advanced systems sa pag-target arug kan Smart Shooter asin mga elemento kan pagmamaniobra kan mga suldados an siyang nagpakusog sa defensive position.
An live-fire drill na an nagpahiling kan kahandaan na labanan kan mga kaalyadong pwersa asin an pinakusog na desisyon na protehiran an mga estratehikong lugar sa baybayon asin itaguyod an maritime security sa Indo Pacific Region.
