Sinibak ni Philippine National Police (PNP) Chief Gen. Nicolas Torre III an chief of police kan sarong ciudad sa Rizal sa iniladawan niyang ugak na pagkapot sa sarong kaso nin panghahabon.
Inihayag ini ni Torre kasabay kan flag-raising ceremony sa Camp Crame kasubagong aga.
Segun kay Torre, nakatanggap siya nin impormasyon na pinauli sana kan city police an sarong negosyante makalihis ining magsumbong na duwa sa saiyang mga empleyado an bigla na sanang nawara kaiba an mga nawawarang kantidad kan salapi.
Sinabi sana suboot kan mga awtoridad na ipepreparar na sana ninda an isusunad na kaso sa korte.
Segun kay Torre, ipinadara saiya an impormasyon sa paagi kan text message.
Huli digdi, inapodan niya an provincial director kan PNP Rizal asin sinabing pagpapahiling ini nin kaugakan kan saindang personnel, huli ta dae pwedeng sabihon na tapos na an saindang trabaho huli sa pighahanda na an pagsusunad nin kaso.
Segun kay Torre, kasunod kan pakikipag-koordinar sainda, naarestar kan pulisya sa sarong probinsya sa Negros Island Region an duwang suspek asin narekober an P500,000 kantidad kan nawawarang pera.
Dae na nagtao pa nin kadugangang impormasyon si Torre sa identidad kan police chief, businessman asin kan duwang empleyado magin an kabilugan kan insidente.
Kasabay kaini, nangapodan si Torre sa publiko na ipagtaong aram sana sa saindang ofisina an siring kaining mga insidente asin tatanggalon an mga imbwelto.
 Chief Gen. Nicolas Torre III, the chief of police of a city in Rizal, for what he described as his handling of a robbery case.){kind=link}