Pag-oolayan kan mga stakeholder sa enerhiya ang posibleng epekto kan giyera sa Middle East huli sa posibilidad na maghalangkaw an presyo kan produktong petrolyo.
Sinabi ni Palace Press Officer Atty. Claire Castro na nagkaigwa nin emergency meeting ang Department of Energy (DOE) kan Lunes na hapon nganing itukar an contingency measure en kaso maglala an sitwasyon sa Middle East.
Sa ngunyan an dae pa masabi an magigin epekto kan tensyon sa Middle East, partikularmente an presyuhan sa produktong petrolyo, kaya hahalaton an magigin kaluwasan kan ipinaapod na meeting.
An Pilipinas an nakadepende sa pig-aangkat na krudo asin ano mang paghiro kan presyo kaini sa pankinabang merkado an direktang makakaapektar sa publiko.
Igwang itinagamang pondo an gobyerno para sa fuel subsidy sa transport sector, paraooma asin parasisira alagad magagamit sana ini kun magsakat sa $80 per barrel ang presyo kan crude oil sa pankinabang merkado.
