Nagsumiter nin irrevocable resignation si Acting Presidential Communications Secretary Cesar Chavez.
Segun sa pahayag ni Chavez na solamenteng nanghihinayang sana siya na dae niya naotob an gabos na pinaglalaoman saiya.
Katakod kainim nagpasalamat man si Chavez ki Presidente Ferdinand Marcos Jr. sa tsansa asin honra na itinao saiya ngani na makapagserbi sa administrasyon siring man an kumpiyansa na itinao saiya.
Sinabi kan opisyal na magtetenir siya sa posiston hasta sa Pebrero 28 sa Presidential Communications Office o posibleng mas mapaamay pa enkasong makakuwa na an Palasyo na maribay saiya.
Sinierto man ni Chavez na magtetenir siya bilang tagasuporta kan administrasyong Marcos asin padagos na susuportaran an kamawotan kaini mantang pigtatahak an bagong landas sa luwas kan gobierno alagad magtetenir man liwat siya sa lado kan serbisyo publiko.
