LEGAZPI CITY – Tahasang sinabi kan sarong Communication Professor na dapat na magkaigwa nin refresher course an mga government officials partikular na si DILG Secretary Jonvic Remulla manungod sa media literacy.
Kasunod ini kan nagin pakaraw na anunsyo kan opisyal sa saindang social media page mapadapit sa deklarasyon kan suspensyon kan trabaho asin klase.
Segun ki University of the Philippines College of Mass Media and Communication Professor Danilo Arao sa intrevista kan Bombo Radyo Legazpi na bako gabos na nakakahiling kan naunambitang post an nakakasabot nin karaw asin mas lalong warang pig-aagi sa karaw an mga anunsyo sa panahon nin kalamidad.
Isalugar man suboot kan mga government official an saindang mga karaw huli ta bako gabos na oras an magugustuhan kan publiko an saindang trip.
Dugang pa kan professor na dapat singilon kan publiko an mga pagkukulang kan mga opisyal urog nang pirang aldaw na sana antes an State of the Nation Address kan presidente.
Pagdoon pa ni Arao na kun siya an hahaputon, bako man sarong apology an ginibo kan kalihim huli ta gare binasol pa kaini an dae makasabot sa saiyang karaw.
