LEGAZPI CITY- Dae man maray apektado kan mga kinakahampang na isyu kan pamayo sa Commission on Elections an mga regional offices kaini asin maikokonsiderang business as usual.
Sa intrevista kan Bombo Radyo Legazpi ki Atty. Romeo Serrano, assistant regional elections director kan Comelec Bicol masasabi suboot na personal an pinag-aagihan na proseso ni Comelec Chair Andres Bautista na duminakula na sana bilang national issue.
Nagsayuma naman ini na magpahayag pa kan reaksyon katakod kan nangyaring anunsyo ni Bautista kan pagdemiter sa pwesto na sinundan kan pagpapadagos kan impeachment sa Kamara de Representantes kontra digdi.
Mientras tanto, ipig-eksplikar man ni Atty. Serrano na mapupundo na an proseso sa impeachment sa oras na pormal na ining magbutas sa posisyon.
Nagtutubod man an opisyal na dakulang factor na naenot na maghayag kan pagdemiter sa pwesto si Bautista kesa sa pagluwas kan desisyon sa Kamara urog na dae naman mai-impeach an sarong impeachable official kun wara namang posisyon na nakakapotan.
