LEGAZPI CITY- Nilinaw ngunyan kan Commission on Elections na wara na sindang hurisdiksyon sa kasong pigkaka imbweltuhan ni suspended Bamban, Tarlac Mayor Alice Guo.
Ini makalihis na mapatunayan kan National Bureau of Investigation na nagtugma an fingerprint ni Guo sa Chinese national na si Guo Hua Ping.
Segun ki Commission on Elections Spokesperson Atty. John Rex Laudiangco sa intrevista kan Bombo Radyo Legazpi na warang hurisdiksyon an komisyon na magbusisi kan mga certificate of candidacy na pigsusumiter sainda.
Marurumduman sa ngunyan plano na kan Office of Solicitor General na magsunad nin quo warranto petition kontra ki Guo.
Pinag-aadalan na suboot kan Office of Solicitor General kun papababaon sa pwesto an suspendidong alkalde kun mapapatunayan na bako ini kwalipikado na magkapot kan posisyon.
Paliwanag ni Laudiangco na kun pamamatunayan na nag-utik si Guo sa saiyang certificate of candicacy asin mapo-probaran na bako ini tunay na Pilipino, saka sana pwdesir na magsunad nin election offence an Commission on Elections.
Huli digdi, sinabi kan opisyal na naka-antabay sinda sa madidin dalagan kan quo warranto petition kontra ki Guo ngani na makapaglatag man nin masunod na mga lakdang.
