LEGAZPI CITY – Ikinaugma kan Comission on Elections (COMELEC) Regional Office 5 an nagin resulta kan nagpapadagos na registration kan SK asin barangay elections.
Napag-araman na nagin magayon an resulta kan registration sa bilog na rehiyon.
Segun ki Atty. Juana Valeza, regional Director kan ahensya, pigsasayumahan na suboot an saindang satellite registration sa mga barangay huli ta wara na maipaparehistro pa sa saindang constituentes.
Pighihiling man na dakula an nagin katabangan kan pakikipagtabangan kan Comelec sa mga eskwelahan sa pagdakol kan mga registered voters.
Dugang pa kan opisyal, talagang pigta-target na dumanan kan saindang mga tauhan maski an hararayong barangay ngani na maenganyar an mga ini na magparehistro.
Tinawan duon man kan opisyal na mas pigpapakusog ninda an saindang pakikipagkoordinar sa mga barangay sa bilog na rehiyon.
