LEGAZPI CITY—Nagpaluwas na an Commission on Elections (COMELEC) Daraga nin mga common poster areas kun saen pwedesir magbugtak nin mga election materials an mga kandidato sa banwaan kan Daraga, Albay.
Segun ki Comelec Daraga Election Officer Andy Toledo sa intrevista kan Bombo Radyo Legazpi, ini susog sa ipinaluwas na Comelec Resolution No. 11086 kun saen nakabugtak sa probisyon an mga nakadesignar na common poster areas para sa mga aspirante.
Ipig-eksplikar kan opisyal na kada sarong barangay igwa man nin sarong common poster area kun saen pwede magbugtak sa saro na edipisyo o saro man na lugar kan publiko.
Ipigbabawal man an magpako nin mga election materials sa mga kahoy asin sa lanob kan mga barangay hall siring man an pagbugtak nin mga poster sa mga poste nin kuryente.
Dugang kan opisyal, na pwedesir man na magkua nin kopya nin mga listahan kan designated common poster areas sa mga opisina kan Comelec.
Mientrastanto, tinawan-doon man kaini na dapat na kaipuhang tangkason an mga election paraphernalia tulong aldaw bago an eleksyon.
