Nilinaw ni Commission on Elections Chairman George Erwin Garcia na dae maimprenta an komisyon nin excess ballots para sa 2025 elections.
Segun sa opisyal na magi-imprenta sana nin mga balota na nakadepende sa populasyon kan mga rehistradong botante, kaibanan na an balota a gagamiton para sa overseas voting asin enot na parliamentary elections sa Bangsamoro Autonomous Region in Muslim Mindanao.
Nangangahulugan ini na dae magkakaigwa nin sobrang balota huli sa ipapaotob na automated election, na kontraryo sa nakalihis na mga pirilian na pirmihan na igwang excess ballots.
Napag-araman na igwang nasa 68 million na mga rehistradong botante sa bilog na nacion.
An mga balota man an magigin precinct specific na nanganahulugan na dae ini pwedesir na gamiton sa ibang mga presinyo asin vote counting machines.
