LEGAZPI CITY – Isinumitir na para sa pagreview kan en banc an report asin rekomendasyon kan Commission on Elections (COMELEC) Bicol sa pagkakaag sa banwaan kan Daraga, Albay “under COMELEC control”.
Sinabi ni Regional Elections Supervisor Atty. Maria Juana Valeza sa ekslusibong intrevista kan Bombo Radyo Legazpi na sinda na mismo an marekomendar sa lakdang makalihis an latest breakthrough kan pulisya na pighihiling na politically-motivated an panggagadan ki Ako Bicol Party-list Representative Rodel Batocabe.
En kaso man na pormal nang maaprubahan an lakdang, mapapasairarom naman ini sa kontrol kan bibilugon na task force kan COMELEC an administrative functions kan local government unit kaibanan na an personal moment kan mga empleyado asin release kan pondo.
Ipapaotob man suboot an total gun ban asin ipapa-recall an body guards asin detail security urog na kan mga pulitiko.
Sa ibong kaini, wara suboot na dapat na ipaghadit an mga Daragueños urog na ginibo sana ini tangarig na maasegurar na magigin katiwa-tiwala, matoninong asin matanos an pirilian.
Klinaripikar man ni Valeza na ini an enot na bes na ikakaag an sarong banwaan sa Albay under COMELEC control huli ta dati naman ining peaceful province.
Sa ngonian, pighahalat na sana kan COMELEC Bicol an magigin desisyon kan en banc na piglalaomang maluwas sa masunod na semana.
