LEGAZPI CITY- Padagos an pag-engganyar kan Commission on Election Albay sa mga dae pa nakakapagparehistro na magparehistro na antes an pagtatapos kan voter registration sa Septyembre 30 ngunian na taon.
Segun kay Atty. Aurea Bo-Bunao, an Probincial Election Supervisor kan Commission on Election kan Albay sa intrevista kan Bombo Radyo Legazpi, igwa ng nasa 63, 108 na mga botante an nakapagpa rehistro na puon kan bulan kan pebrero sagkod ngunian na Agosto.
Alagad sa datos na ini, kulang pa suboot an bilang kan mga nagpaparehistro sa Albay.
Pig-aantisiparan na kan ahensya na sa maabot na huring aldaw kan registration an madagsa an magpaparehistro.
Segun pa sa opisyal na natapos na an register anywhere program alagad ngunian padagos pa man an saindang pagpasiring sa mga barangay, eskwelahan asin sa mga opisina kan gobyerno kun dae nakakaduman sa sainang mga opisina an mga botante para magparehistro.
Segun pa digdi na bukas an saindang mga opisina puon lunes sagkod sabado.
Pig-eengganyar kan Comelec an mga Albayano na magparehistro ngane na makaboto sinda sa papaabot na 2025 midterm election.
