Inasegurar kan Commission on Human Rights sa publiko na urualdaw ining naka monitor sa sitwasyon asin imbestigasyon sa posibleng pagbayolar sa diretsos humanos na makokomiter sa laog asin luwas kan compound kan Kingdom of Jesus Christ sa ciudad kan Davao.
Ini makalihis na nasa 2,000 na mga miyembro kan Philippine National Police an nag-raid sa compound kan nasabing simbahan sa Buhangin District ngani na magserbi nin mandamiento de aresto ki Apollo Quibiloy.
Dugang pa kan ahensya na binsita man kan special investigators asin mga abogado kan Commission on Human Rights regional office 11 an mga dinakop na miyembro kan Kingdom of Jesus Christ sa Davao City Police Office asin nakaolay man an pigtataram na mga biktima nin harassment.
Pig-aaram man kan komisyon kun nagkaigwa nin pagbayolar sa right to exercise sa religious freedom.
Marurumduman kaya na hasta sa ngunyan, padagos pang pinaghahanap si Quiboloy na nahahampang sa mga kasong child abuse, sexual abuse, asin qualified trafficking.
