LEGAZPI CITY-Nagpahayag nin reaksyon an Chinese actress na si Zhang Yingfei makalihis niyang maaraman an saiyang biglaang pag-sikat bilang si ‘Linda Walker’ sa Pilipinas.
Sa sarong Douyin livestream kan 21-anyos na aktres pigheras niya na kadakol an nagco-comment sa Ingles bilang siya si Linda mantang bisto siya bilang “Fifi” sa English name.
Sinabi pa ni Yingfei na gari sala an mga comment sa saiyang livestream kan ini i-translate niya ini.
Huli digdi, naaraman kan aktres na pigtutukoy kan publiko an saiyang karakter sa sarong Chinese drama series.
Ikinaogma ini kan aktres huli ta nag-ani nin atensyon an saiyang serye sa Pilipinas.
Marurumduman na nag-sikat an mga clips kan vertical drama na “The Heiress Who Won With Brains” sa online na naka-English asin Tagalog-dubbed na kinagiliwan kan publiko huli sa high-level mock exam score na 719 points kan karakter kan aktres sa nasabing serye.
