Mahigot na sinubaybayan asin nagkapirang beses na inisyuhan nin radio challenge kan Philippine Coast Guard (PCG) Islander aircraft an nanotarang Chinese research vessel na “ZHONG SHAN DA XUE” sa distansyang 78.21 nautical miles northeast kan Itbayat, Batanes kasubagong aga, Martes, Abril 15.
Sa sarong statement, ipigreport ni PCG spokesperson for the West Philippine Sea Commodore Jay Tarriela na idineploy ni PCG Commandant Admiral Ronnie Gil Gavan an PCG Islander 4177 sa may baybayon kan Batanes nganing i-monitor an nasabing Chinese research vessel.
Pigporbaran suboot kan crew kan PCG Islander na magpaabot nin radio communication sa barko kan China nin kadakol na beses, alagad wara ining simbag.
Pigtawan doon man kan PCG aviators sa saindang radio challenge sa Chinese research vessel an kawaran kaini nin awtoridad nganing magsagibo nin marine scientific research sa laog kan exclusive economic zone (EEZ) kan Pilipinas.
Ipinunto man kaini na an mga aktibidad kan barko kan China an sarong malinaw na pagbayolar sa United Nations Convention on the Law of the Sea (UNCLOS) asin Philippine Maritime Zones Act.
 Islander aircraft closely monitored and initiated several radio challenges to the Chinese research vessel “ZHONG SHAN DA XUE” at a distance of 78.21 nautical miles northeast of Itbayat, Batanes this morning, Tuesday, April 15.){kind=link}