LEGAZPI CITY-Nangapudan si Senate Minority Leader Alan Peter Cayetano na irayo sa pulitika an Department of Health (DOH) kasunod kan pagtatalaga kay Dr. Jose “Brix” Pujalte Jr. bilang bagong kalihim kan ahensya.
Sa sarong pahayag, sinabi ni Cayetano na naglalaom siya na an bagong liderato sa DOH an magseserbing kapinunan kan darakulang reporma ngani na mapakarhay an serbisyo sa salud para sa mga Pilipino.
Segun sa senador, halangkaw an saiyang paglaom na mabusol ni Pujalte an mga pagbabago asin makabugtak nin solidong pundasyon para sa mas marhay na healthcare system.
Kasabay kaini, pigduon ni Cayetano na importanteng irayo sa pulitika an ahensya ngani maipaabot kaini an mas epektibo asin bastanteng serbisyo sa publiko.
Kan Hulyo 13, ipinahayag kan Malacañang an pagtalaga ki Pujalte bilang bagong kalihim kan DOH, na kasalida ni Teodoro Herbosa, na nagdemitir huli sa salud.
Segun sa Palasyo, si Pujalte sarong beteranong orthopedic surgeon na may labi sa tolong dekada na eksperyensya bilang sarong doktor, hospital administrador, paratukdo, asin public servant.
