Nakapagrehistro si Darius Garland nin 25 points mantang si Ty Jerome man an igwang 24 points ngani na tabangan an Cleveland Cavaliers na mamantenir an unbeaten record makalihis daugon an Charlotte Hornets, 128-114.
Apat na mga players kan Cleveland an igwang labi sa 20 points ngani na mapalawig pa kan koponan an saindang franchise-best winning streak nin 15 games.
Sinda na an ika-apat na koponan sa NBA history na nagpuon kan season na igwang 15-0.
Si Evan Mobley an igwa man nin 23 points asin 11 rebounds mantang si Jarrett Allen an igwang 21 points asin 15 rebounds ngani na mapakusog an opensa.
Nag-ambag man si Georges Niang nin 13 points hali sa bench.
Nairehistro kan Cavaliers an pagkagana maski pa wara si guard Donovan Mitchell na kinakaipuhan magpahingalo.
