LEGAZPI CITY-Pigbubusol ni Catanduanes Congressman Leo Rodriguez an pagtugdok nin DFA Consular Office sa provincia durante kan Committee on Appropriations hearing para sa 2027 budget.
Susog sa pahayag ni Congressman Rodriguez, na importante an pagigin “accessible” kan DFA Consular Office para sa passport processing asin mga consular transactions sa isla.
Alagad hasta ngonian wara pa suboot na DFA Consular Office sa mga probinsya partikular na sa mga isla, kun sain napipiritan pang magbiyahe nin harayo asin magastos ngani ma-access an siring kaining government services.
Mientras tanto, inihayag man kan ahensya sa hearing na sa pagpapatugdok nin sarong Consular Office, kaipuhan ikonsidera an distansya, geographic location, isolation, asin accessibility kan sebisyo sa mga underserve na mga probinsya.
Nasa 42 Consular Offices suboot an nakatugkdok sa nacion asin pigsasairarom na man sa evaluation ngani makahanay ini sa mga serbisyo asin programa kan gobierno.
Pigkokonsidera man suboot basado sa saindang nationwide assessment an demand kan Consular services sa mga espisipikong rehiyon asin lokalidad, basado sa government Executive Order No. 45 kun sain igwang mga criteria an opisina, siring kan populasyon, output, asin income o revenue.
Pinag-aadalan pa sa ngonian an nasabing mga opsyon asin pigsisierto na nakahanay ini sa mga nasambitang criteria asin regulasyon.
Mientras tanto, nanindugan si Congressman Rodriguez na dapat dai na madifisilan an mga kababayan sa Isla asin mawot niyang ibusol ini, orog pang poon 19th congress niya pigpapangapudan an nasabing DFA Consular Office sa provincia kan Catanduanes.
