LEGAZPI CITY — Nangangapudan an Teachers’ Dignity Coalition na iasigurar na may matibay na istruktura an mga eskwelahan asin may bastante na kaaraman an mga estudyante asin paratukdo sa panahon nin mga kalamidad.
Ipinapaabot ni Teachers’ Dignity Coalition Chairman Benjo Basas, sa intrevista kan Bombo Radyo Legazpi, na siertuhon kan Department of Education (DepEd) asin Department of Public Works and Highways (DPWH) na nasusunod an structural integrity magin an kalidad kan mga tigpapapatugdok na mga pasilidad na tigtitiniran kan mga estudyante asin paratukdo.
Dagdag pa kan opisyal na afuera kan ligtas na istruktura asin matrayumpong pagsasagibo nin quarterly drills sa mga eskwelahan, dakulang tabang an paglunsar nin Education Information Campaign.
Dugang pa ni Basas na sa bilog na nacion, ngani aram kan mga tawo an estratehiya na pwedisir gibuhon sa oras nin kalamidad orog pang sa presente sunod-sunod an naeeksperyensyahan na pagbagyo asin paglinog sa manlain-lain na parte kan Pilipinas.
Ini suboot an mga paagi ngani mailikay an mga indibidwal sa peligro na dara nin mga kalamidad.
