Nagpatanid an Bureau of Internal Revenue (BIR) sa mga negosyanteng nagpapabakal nin vape products na warang tamang dokumento asin dae nagbabayad nin buwis.
Segun kay BIR Commissioner Romeo D. Lumagui Jr., dapat syertuhon kan mga retailer na lehitimo an saindang produkto asin may magkakanigong excise tax.
Pig-enganyar man niya an mga tindero na iparehistro an saindang negosyo sa Department of Trade and Industry (DTI) nganing magin legal an operasyon.
Nagpatanid an BIR na dae sinda magduduwang-isip na sunadan nin kaso an mga mabayolar sa ley.
Inabisuhan man kan ahensya an mga negosyante na isuko an mga bako lehitimong vape products sa saindang ofisina.
Kan nakaagi sana, nagsunad an BIR nin multiple tax evasion cases laban sa pirang kumpanyang dae nagbabayad nin buwis.
 has warned businessmen who sell vape products without proper documents and do not pay taxes.){kind=link}